Paraire Whaanga 01. Ako i te reo

Na, i tērā wā, i haere au i te kura i Ō‑poutama nei, he nui ngā pakeke me ngā kuia, koroua i tēnā. Ka riro ahau i tētahi o ōku kuia tīpuna... a... ko Paemata, ka haria ahau ki tōna taha whakatipu ai.

Koia te tino kuia, tino rangatira tipuna, i moea e tō mātou matua koroua a Tītoko (ehara i te whānau).

I reira au i ōku tau e haere au i kapohia i tērā wā; kua whitu pea ōku tau kua hari kē au i tōna taha noho ai, tētahi o ōku kuia i mau nei i ahau ki te Rauhina ki Kihitū. Kua hoki mai ahau a ka noho anō i tōku tīpuna kuia a Paemata.

I te wā i au i reira ka tau te reo rangatira e hora nei tō tātou reo i ngā wā katoa. Koia nei taku tino mīharo nei mō taku reo, kua kore rā i tēnei rā te hunga nei e matatau ana ki tō tātou reo. Nō reira kua uru mai te rā pea te mokemoke¤ mō rātou me ōku hoa katoa te nuinga kua ngaro.