Paraire Whaanga 03. Te Hokihoki ki te Kāinga

Ko tētahi o ngā mate tino nui – arā ko taku whaea e kore rā e tino roa taku ngaronga¤, ā, ka tono mai ia kia hoki ki te kāinga. A ka hoki mai ka hoki anō ki te kimi mahi.

Ā, ka eke ōku tau ka eke ki te rua tekau-mā-tahi ōku tau, e ngaro rā i te nuku o te whenua arā i Te Awamutu. Ko tōku mahi i reira ko te ako hōiho. Kāore e roa i reira ka tae mai te kōrero ki ahau, kua mate rā tōku whaea. Ka mahue¤ ahau i tēnā mahi ka hoki mai ahau.

I tōku taetanga¤ mai ki Ō‑poutama nei, ka kite au, kei te marae te hunga, te iwi, te whānau me te hapū.

Tikina mai ahau e taku tuakana ka hari ahau ki te marae. Ka tū rā i waho, me tōku tangi hoki kua mate hoki taku whaea.

Āna te tuwherā mai a te tatau, e hika¤! Ehara kē, te pō nui ko taku rā whānau kē.
Ka ohorere ahau me te tangi anō kei te ora tonu ia me ōku kuia-koroua arā rātou katoa nā rātou i whakatū he rā mōku¤ i taku huritau.

Mai i tērā wa ka noho au ki te kāinga, ki te tieki¤ i ngā irāmutu, i ngā tamariki. Te huahua¤ anō hoki¤ i tērā wā i te kāinga. Nā taku whaea hoki te kōrero ko koe he pāpā, he whaea mō ngā mokopuna arā ngā tamariki. A ka noho au i te kāinga ka huri ake au ki ngā mahi o te kāinga e pā ana ki te whānau ki te hapū ki te iwi nui tonu o te kāinga nei.