Paraire Whaanga 04. Ngā koroua

Tāku koroua - rātou mahi tohutohu i au nei i ngā tikanga me ngā kawa e pā ana ki a tātou katoa.
Ko ētahi o rātou ko Paihau – Paihau Wairau he koroua he tangata poropiti he matakite koirā¤ te āhuatanga o tērā koroua. Me te kuia hoki tēnei, ko te kuia tuatahi, tuarua ko tēnei.

I ngā kōrero e tuku iho mai a ngā tīpuna e pā ana i tērā taha ko te matakite.
I āna nei kōrero mai, tāna nei kōrero mai nā Paihau i āna mahi tūturu hoki e pā ana ki te whakapono, whakapono a te tangata.

Ka whātoro mai anō ahau i tērā o mātou koroua, tohunga rongonui ko Hongi Mita. I te wā i ahau e pakupaku ana he tamaiti matemate¤ au, tino matemate i tērā wā. Ka mauria¤ ki te tohunga nei tō mātou koroua, ka mahi mai ahau, na, ka whakamahi ahau, ka ora mai ahau.

Ka whātoro mai anō ahau tērā anō o ngā koroua ko Tawehi, me tōku pāpā , Kereopa mā a Ruka Rārere, a Paretene, me ōku kōkā¤ te nui hoki o rātou i te ora i tērā wā. Arā e pā ana ki ngā tikanga e pā ana ki a tātou te Māori. Ki te whāwhā atu i ngā mahi e mahi nei e pā ana ki ngā wā ki te mate tangata, mate wahine me ngā āhuatanga katoa o te wairua kino, i ngā wairua pai, i ngā wairua o te rangi o te ao katoa i ngā tohutanga e whakaatu mai ko ēnei te rā pai, he rā kino, arā te mea he mate pea kei te haramai¤, e whakaatu mai rātou i ngā tohu o te rangi.