Paraire Whaanga 05. Te ingoa i tapaina

Nā reira ka huri mai anō ki tōku ingoa i tapaina¤ ahau nā tōku matua, he teina ia ki taku pāpā ki a Niri arā ko Paraire¤, nāna i tapa ai taku ingoa rāua ko tana hoa rangatira a Hera taku kōkā¤.

I tērā wā, i puta mai tētahi pikitia kātahi anō e tae mai tērā pikitia ki te whare pikitia ki Ō‑poutama. I konā e tū i te taha o te kāinga o Abe Rārere te whare nei hei whakaatu pikitia¤. Ko te pikitia i tērā wā i puta mai - anā - ko Robinson Crusoe. Koia rā te ingoa o te pōai¤ mangumangu nei, ko Friday. I tapaina e taku matua ko Paraire ko ahau, koirā¤ taku ingoa.

Me taku kōkā tērā ingoa anō nōku ko Randolf he kaupoi¤. Ko ērā ngā pikitia rongonui i mātakitaki te whānau i ērā wā i Ō‑poutama nei, ā ka tapa ai nei taku ingoa ko Friday Randolf.

Ka riro katoa¤ ngā ingoa rangatira ki ōku teina, tuakana, tuahine kei a rātou katoa ngā ingoa ātaahua. Koia! Ahakoa te kino pai o tōku pāpā ka matua ki ahau ko Paraire ā - kei te pai. Mea atu au¤ me mau tonu tōna ingoa. Nō reira taku ingoa.