Paraire Whaanga 12. Ō Mātou Pākehā

Ka mihi anō ki ō mātou pākehā – mai rā anō ō rātou tautoko mai, manaaki i te hapū o Ngāi Tama.

Tētahi whānau... ko Hori Foster, ko ia te tino Pākehā [aroha mai], i a ia te tino aroha. Ee kōrero nei tātou te mea nui ko te aroha, koinei te āhuatanga o tēnei Pākehā me tōna hoa wahine a Jesse. Ka manaaki, awhi i te whānau te hapū. Ka utaina ki runga i a ia te honore o te hapū o Ngāi Tama e uru mai George rāua ko tōna wahine me tōna whānau ki roto i te hapū o Ngāi Tama. A te matenga o tērā tokorua, arā ka mau ki tērā o tātou urupā, Te Ruawharawhara. Tō mātou tino mīharo nui ki a ia tono mātou me tāpuke¤ a ia i roto i tō tātou urupā. He honoretanga mō tērā Pākehā pai ki a mātou.

Nō muri mai, ā, ko Graham Kent tētahi me tōna whānau - he Pākehā pai, ā ko Charlie Austen tētahi me tōna whānau. I te tau kua hipa atu nei, ko "the Boltons" he Pākehā. Āe me ngā Pākehā e manaaki āwhina i a Ruawharo, i te marae – Rossiter, ka nui tonu ngā Pākehā. Ka tono mātou ki te whānau kia haria mai ki te nehu kei te taha o ō mātou kuia-koroua.

Heoi anō, e taea e mātou ki te hoatu tō mātou aroha ki a rātou, ārā haramai¤ ki reira tātou takoto ai kotahi.
Te mea nui, kia mau tonu tēnei whakatipuranga tēnā āhuatanga - tātou me te Pākehā.

Koinā hoki te tikanga o Ruawharo. Ka tae koe ki tēnā marae, ka kite koe kei mua o te whare [tohorā] he tatau kei reira. Koinā te wahanga e hoatu mātou arā te iwi, te hapū ki te taha Pākehā. Ka kuhu atu mātou ki te waharoa, ko tātou tēnā te taha e pā ana ki a tātou te Māori.

Nō reira, kua honohono i ō mātua tīpuna tātou me tērā iwi - ngā Pākehā.
Ahakoa [koi¤/moe] tātou i a rātou, rātou anō ki a tātou.
Kia noho pai hoki tātou ki runga i te rangimārie me te hūmārie¤¤, e kaua tātou nei e pakanga ki waenganui i a tātou.