Paraire Whaanga 13. Te Mahi Kai

Nō reira te pai hoki o tēnei marae kei konei ngā rawa¤, ngā ahuwhenua¤. I ērā ngā wā o mua he nui ngā māra kai i konei. Whakatipu ai ngā koroua, ngā kuia. Tētahi koroua, ko Ruka Rarere, koia te tino koroua nei, i a ia ngā māra taro nei. (Māna tōu e tau) ka rongo koe i te reka, engari kāore e tino reka tērā kai ki ahau.

E nui rā ngā kai i roto i te ngahere - kei muri i te marae tonu. Ko te toenga [toeka] tēna, ko te nuinga kua wera i te ahi, kua kai kē e ngā kararehe, ngā nanenane¤ me ngā paihamu¤.

I tēnei wā i a au e kōrero nei kua hokihoki mai ngā manu – te tui, te kererū. Kua rongo e tangitangi ana i waho o tōku kāinga, e rere ana, tau ana ki runga i ōku rākau.