Paraire Whaanga 14. Te Reo Māori

Nō reira, tēnei rā ētahi o ngā tōpito kōrero, ka tae mai hoki te tono ā iwi mō tātou reo, ā ka whakatū tētahi whare kohanga reo. Ko ngā kuia kaha i taua wā ko Ngāwini Kereru, rātou mā a Sally Tui. Ka nui tō rātou kaha ana ki te akoako, ki te tohutohu ō tātou mokopuna me ngā tamariki ki te mau tō tātou reo.

Engari, taku pā pōuri i tēnei wā, ahakoa ngā whare, ngā kura wānanga, kua tū ngā kura kaupapa e noho mokemoke¤ tonu ahau. E kore tēnei [whaka] tipuranga e kōrero Māori ki ahau. Ka kōrero ake, kāore e roa e kōrero ana kua huri ki tērā reo. Koianō te mea nui ki ahau, ahakoa he iti, he pounamu.

E hopu nei rātou i tō tātou reo rangatira. Engari mōku tonu, koinei rā taku tino oranga; ko tāku reo me tōku wairua e whāngai taku hinengaro me taku mīharo nui ki te matua nui i te rangi, a Io. Mōna e manaaki tieki¤ ai.