Paraire Whaanga 19. Te Wairua

Ka haere tonu mātou ki te whai haere i te wairua – te wairua tapu, i ngā karakia a te Ringatū. Me haere katoa – tātou katoa i ngā rā tekau-mā-rua, i ngā āwhati i ngā rā nui o ngā Ringatū.

Nāwai rā i tēnei rā kua mate katoa ngā tohunga e hoatu i tērā tūnga¤. Kua rerekē te āhua o te hāhi i tēnei rā.

Ā i muri mai i tērā, ko pakeke ngā tau, ā, ka huri ake au ki tērā hāhi o te hāhi Mihingare.

Ka tū minita ahau, ka poro kē taku kakī, arā kua mau te kara nei. He wā roa tonu au e minita ana, ā kua mutu ahau. I tēnei rā kua mutu. Engari, ka whakahaere karakia, nehu tupāpaku taha o te wairua mō te whānau.

Kua hē te tinana, engari te wairua kei te koi¤ tonu. Kei te whakatamariki tonu te wairua i tēnei wā.