Paraire Whaanga 20. Ngā Mahi Tākaro

I ngā painga ki ngā mahi tākaro, i tīmata mai i konei i te marae o Ruawharo. Ahakoa te tākoro, he tīma toa kei konei. Ka whakatū e mātou he tīma hockey, he whutupōro, netipōro, ā, ngā mahi tākaro katoa. Ē! Tino toa ana mātou! He nui ngā winitanga atu tō mātou whānau.

E haere ki waho rā anō. Ka haere mātou ki roto i Ngāti Porou, ki ērā o ō mātou whanaunga. Ka takorotia mātou i reira. A ka eke atu ki Ōmahu ki ērā whanaunga.

Koirā¤ ngā haere pai, he rawe ki ahau ki te haere ki te tūtakitaki ngā whanaunga, ki te whakapiripiri kia mōhio ai... Ko ērā taku kitenga ki ngā mahi o ō tātou kuia koroua – e mōhio tātou, anei, he whanaunga anō tēnei.

E pai, ināianei, ka kōrero koe whakapapa, ka tiro mai ngā mokopuna tamariki ki a koe. Me kōrero i ngā tōpito kōrero ki a rātou, kia rongo ō rātou taringa, kāore e kore tētahi o rātou, ka mau i ngā kōrero ā kui mā a koro mā.