Paraire Whaanga 22. Te Mahi Pāra

Ngā mahi iho to[n]u nei, i ngā marama makariri kua haere mai te hōtoke arā kua haere mātou ki te kimi pāra¤. Koirā¤ te tino ika, [oh] he reka. Te roa hoki tērā ika.

Ka rongo koe, papaki¤ ana i tahakī¤, arā kua oma koe, kei tae ōu whanaunga mua i a koe, arā me tere tou koe ki te haere ki te tiki. Arā, ka riro mai koe tētahi, ka karo¤ mai tōna karu, ka maka¤ atu ki te moana, kāore e roa, kua hoki mai... kua tae mai tōna hoa ki uta. Kaua koe e tere te hoki mai ki te kāinga kotahi te pāra – me maka tōna karu ki te moana ana, me whanga¤ mō tōna hoa, aianō kua puta mai.

Ka moe mātou rā ki tātahi¤ taea te ahi, ka haere anō ki te kimi ngā pāra nei.

Tētahi pō rā e... rua tekau mā tahi ngā pāra i riro mai i a mātou e hika¤ mā e. He pō tino pai tērā, he ika... Ā! Me kai tou, kaua koe e whanga, kaua koe tuku kia maroke. Ka riro mai koe tērā ika, me kai tou i taua rā tonu.

Ka rongo koe te haunga i Ōpoutama nei kei te mōhio koe kei te kai pāra katoa rātou.

Ko tērā tētahi koroua, ko Teri Kīra, ko tērā tētahi koroua whakatangitangi mai tōna taputapu arā te concertina i ngā pō e whakangā¤ ana, te hapū, ā, koia te koroua e noho mai, rāua ko Matetāhore, ā, e waiata mai ana te koroua.