Paraire Whaanga 23. Te Hopu “Spotties”

Ā, i ngā, ērā anō mō ngā wahine nei o te kāinga nei o Ngāi Tama. E haere ana ki te hī ika. Ka eke katoa, rātou katoa, kāore e noho tētahi ki te kāinga. Ka mahi ō rātou nei... rākau nei me te mātau o runga. E haere ki te hopu 'spotties'.

Ko ēnei tētahi o ngā tino ika reka. Kia parai¤, kia papaki¤, kia papaki tonu, a ka rongo koe i te reka.

Pau katoa rātou, kei tahaki¤ arā, e hī ana. Ka mutu, ā, kua hoki mai rātou. Arā, koirā¤ te kai.

I ērā rā, e kite koe i a rātou e hikoi¤ ana, e whati harakeke haere ana. Ka mōhio koe, ākuanei, kua piki ki te marae. E mahi whāriki rānei, he kete rānei. Koirā ētahi o ngā mahi o ngā kuia, ko ōku kōkā¤ i Ōpoutama nei.

Ka rongo koe rātou e kōrero katakata ana, kōrero pūrākau¤ i waenganui i a rātou, me ngā mokopuna.

I ēnei wā, ahakoa tōu rātou kei reira, tērā me tāna rourou, kua kai katoa rātou, ā tātou. Ka haere mātou ki reira kai ai, ka moe, ka hokihoki mai ki te kāinga, kua hokihoki tērā. Engari tētahi o ngā mahi o ngā kuia, ōku kōkā, e noho nei i Ōpoutama. Nui tou rā rātou i tērā wā. He nui ngā kāinga i tū nei i Ōpoutama.