Paraire Whaanga 26. Nō Whea te Hapū

Nō reira, ka hoki mai ki runga i te pātaitanga, nō whea¤ tēnei hapū, me pēnei rā taku whakahoki i runga i kā tōpito kōrero i mahua88 mai e rātou mā. Tūatahi, tētahi o ngā kōrero kei roto i te whakapapa a Muriwhenua rāua ko Rongokako waiho ki reira.

Tuarua, tētahi o ngā kōrero. I haramai¤ tērā tangata, [kāore au e mōhio i whea, ā] ka poukia tōna pou ki kōnei. Koirā¤ te kōrero mō te Pou-ā-tama.

Tuatoru, ko te kura e tū rā, ko Ō-poutama, ko te "Ō" tērā kōrero, he kōrero nōnahea, he tino tapu tērā kōrero mō tērā e hua ake nei, ko te Ō. Ko Ō-poutama – arā ko te whakairo 'poutama' arā he rite tonu te arawhata nei, ko ngā pikitanga, mai a raro ki runga, i ngā mōhiotanga, ā, i te mātauranga, ā i ngā mea e whai ake nei koe hei kimi māramatanga he painga rānei. Koirā te whakairo kei roto i te whare tīpuna, a Ruawharo – ko te poutama nei – he arawhata ki ngā teiteitanga, ā, i te taumatatanga o te mōhio.

Heoi anō rā ki tōku nei mōhio, i runga anō i tēra kōrero a rātou mā ki ahau.
I ōku tuakana, i a ia i a Mātaitai, a Sonny, i a ia ngā whakapapa... kōrero whakapapa, engari eke mai ki te teina nei; koirā te kōrero o rātou mā ki ahau. Kaua ake au e porowhiu¤ tērā mea te whakapapa.

Nō reira he tangata, kore rawa¤ au e hiahia ana au ki te kōrero whakapapa. E kōrero tou mai taku whaea ki ahau, tāhou e mōhio koe, engari ka rātia mai te tangata i a koe – tukuna... tukuna.

Nō reira. Koia rā anō taku tino mōhio.
Kei ētahi mōhio ana, i eke mai tērā hapū i whea, he tīpuna rānei he patupaiterehu¤, he aha rānei, he kēhua rānei. Koinei ngā kōrero i kōrero mai rātou ki a au.