Paraire Whaanga 27. Te Whānau-ā-te-hau

Ā ka hoki anō ki tērā wāhi tapu rā, e tapaina¤ ko te ingoa rā ko te Whānau-ā-te-hau. Koira te kāinga o ngā pōhatu, i whānau mai rātou i reira. He mauri nā Ruawharo i tanu¤. Ka hara mai rā, ka whānau mai rā, ngā pōhatu i reira, ka hūnuku mai rātou ki Wai-piata rā, ki reira tētahi wā, ka ngaro, whakangaro i a rātou.

Ki tōku nei titiro, pēnei tō tāua te tangata, whakawhānau mai, ahakoa hokihoki, kua hūnuku, kua pakeke, arā kua puta.

Nō reira, he tino wāhi tapu ērā ki ahau. He ā mai a te Pākehā ki te karikari i tērā wāhi. [Ta ra ki tō nei] Kua mutu ā rātou mahi. Engari kei te haere tou ngā whiu a ērā wāhi tapu. Ahakoa he pākehā koe, he Māori rā, ka pāngia koe i te mate.