Paraire Whaanga 31. Mātou ngā Tāne

Ko mātou ngā tāne, ka mau i a mātou, i a au nei, ka maungia¤ au ki tāhaki rā, kia kite anō i Te Whānau-a-te-hau. Koirā¤ tētahi o ngā wāhi i haria ahau e ngā tohunga... ki te tohutohu ki te rongo[rongo] ētahi o ngā kōrero o nehe¤.

Ētahi kei kō, kei kōrā i tērā o tātou marae nui o Ngāi Tū ki Tuahuru, arā i te pā mahara. I reira, kei reira ētahi tino tapu rawa¤ atu, arā, mō ngā tāne erā. Kei Mahanga kei kōrā etahi o ngā wāhi nei hei mau ngā tāne anake¤. I a mātou rā e tamariki ana, i mau ka mau mātou ki Raumako kei reira anō tētahi wāhi, mō ngā tāne, hei mahi, hei kōrero[hia], hei tohutohu ngā kōrero e pā ana ki ngā tama tane, me ngā tāne. I tēnei rā, kua huri au ki te mau ētahi o ngā tama tāne nei ki aua wāhi rā, hei tohu atu ki a rātou i ōna āhuatanga hei aroha mai hoki ki a rātou, i ngā mate e pā ana ki a rātou.

Te nuinga o ēnei wāhi, he wāhi pai i tēnei rā, he wāhi pai ki te haere ki te whakamāheahea¤ i a koe i ngā taumahatanga, ā, ki te toro tāu nei wawata me ō tūmanako.

Ki tōku nei... e eke mai e te tangata, arā ka puta atu he māramatanga, he orangatanga mō rātou me tō rātou whānau hei awhi i a rātou ki roto i tēnei ao tino hurihuri nei, e haere nei ngā māuiui¤ katoa.