Maata Hurinui 01. Te Whānau

Ka kitea i konei...

Tekau mā rua o mātou te oranga i runga i te wāhi o Opoutama, me Kōpu-ā-whara valley – Raumakomako te wāhi [o tō] mātou noho.
E piki mai te ora ki a mātou te noho [i] Kōpu-ā-whara valley – te wāhi or te kāinga ko Raumakomako - tino pai ki ahau tēnā kāinga.

Anei taku pāpā, anei taku māmā, te kuia i runga, ko ia te māmā o taku pāpā.

Ka rapa haere mātou he whakaahua o te tāne o taku kuia, o taku pāpā.
[Greg] E maumahara koe ki te kuia nei, i ā koe e tamariki ana?

o taku pāpā, o taku māmā?

[Greg] te kuia nei, a Nene Moko?

Aē, e hika¤ mā, he aha tōna ingoa, kei roto i te pukapuka. We called her Nene Moko too, because, I suppose because she had that moko. Engari ko Paemata tōna ingoa. Ka titiro ki roto i te pukapuka pea

[Greg] I ora tonu ia i a koe e tamariki ana. Maumahara ana koe ki a ia?

Ko ia.. taku ingoa ko Maata Matarena Hoko Hurinui - Whaanga Hurinui. Ko tērā ingoa – Hoko – nōna. Ki taku mōhio i kōrero mai ōku tuakana. Ko tērā tōna ingoa. Ko Hoko, I said "nē! ... kāore au e mōhio!"

I taua wā, kāore i kōrero mai ō mātou mātua mō ngā whakapapa. Ka kōrero mai, "tērā, anā tō kuia ko Nene Moko". Ka rapa haere mātou, he aha tōna ingoa? Ko Paemata!

Ka titiro ki roto i te pukapuka o mātou.

We had a reunion – he whakawhāiti o ngā whānau. Ka pērā tonu, ka mahi he pukapuka mō tātou – te whānau o taku māmā me taku pāpā.

Ko au ka whānau mai i te whā o Hepetema, tahi mano iwa rau whā tekau. Taku whānau, taku rā whānau.

Engari titiro koe ke tēnei whakaahua, tekau-mā-rua mātou i ora i runga i tēnei whenua Te Mahia.

Ka kite koe i kona... aku tuakana, me ngā tuahine, ko te mea, kāore au .. ko taku whaea, kāore au e kōrero mō tēnā.

Ko ia te mea, mātāmua, o tō mātou whānau

[Greg – ko May?]

... to mātou whāmere ko May.

Ka heke mai ki te tungane, ko Mātaitai Matekino. Tae atu ki a Moana, ki ngā mahanga – Harawira me Ra Whati.. Ka Haere tonu ki tēnei a George.

Ka piki haere mai ki tēnei ko ia te mea e haere ki te Navy. Ki te tuakana ko Mate-apiti i muri atu i [a] ia ko te tuakana a Rangi. Ka heke mai ki a taku tungane, Paraire¤ – Friday Randolf tēnā. Ka heke mai ki ahau. I muri atu i ahau, tō mātou pēpē ko Angeline.

Ināianei, ko tātou tuahine a Rangi, me taku tungane, a Randolf, Friday Randolf Whaanga, me ahau me te pōtiki a Angeline kei te ora tonu i tēnei rā.

Engari nui rawa¤ atu ngā mokopuna. Kei enei o mātou whānau.