Mō Te Reo Kanikani o Poutama

Tēnā rā koutou.

He paetukutuku tēnei mō te reo o Opoutama, Ngāi Tama me Rongomaiwahine whānui.

Ko te reo Māori te tino take o tēnei pae tukutuku, me te whakaaturanga o ngā kōrero mō tēnei rohe o Ō-poutama me te hapū o Ngāi Tama.

I tipu te whakaaro ki te hanga tēnei rauemi i te tau 2005, i te wā i noho te iwi i Te Upoko-o-tātaramoa kia mura ai te ahikāroa i reira.

I taua wā, ka puta mai ētahi o ngā kōrero mō tēnei rohe. He ātaahua nō ēnei kōrero ka tīmata te whakaaro ki te āta hopu i ēnei kōrero ināianei tonu, kia kore ai e ngaro.

Ko ētahi o ngā whāinga mō tēnei pae tukutuku:

1. te hopu i ngā reo me ngā whakaata o nga kaumatua me ngā tamariki e kōrero i ngā kōrero mō Ō-poutama.
2. he mahi toi na Ngaromoana Raureti
3. he whakaata-a-rorohiko e hangai ana ki nga korero.
4. he kuputaka (papakupu) e whakamārama nei i te tikanga o ētahi o ngā kupu i roto i ngā kōrero.

Nāku, na Greg Ford i kohikohi i ngā kōrero, i hanga i te paetukutuku hoki. Na Ngaromoana Raureti ngā pikitia.

Na "Mā Te Reo" i hōmai te pūtea mō tēnei mahi.