Te Reo Kanikani o Poutama - mahi

Paraire Whaanga 23. Te Hopu “Spotties”

Te Reo Kanikani — Mon, 17 Apr 2006 13:05:05 -0600

Ā, i ngā, ērā anō mō ngā wahine nei o te kāinga nei o Ngāi Tama. E haere ana ki te hī ika. Ka eke katoa, rātou katoa, kāore e noho tētahi ki te kāinga. Ka mahi ō rātou nei... rākau nei me te mātau o runga. E haere ki te hopu 'spotties'.

pānui tonu

Paraire Whaanga 22. Te Mahi Pāra

Te Reo Kanikani — Mon, 17 Apr 2006 13:03:06 -0600

Ngā mahi iho to[n]u nei, i ngā marama makariri kua haere mai te hōtoke arā kua haere mātou ki te kimi pāra¤. Koirā¤ te tino ika, [oh] he reka. Te roa hoki tērā ika.

Ka rongo koe, papaki¤ ana i tahakī¤, arā kua oma koe, kei tae ōu whanaunga mua i a koe, arā me tere tou koe ki te haere ki te tiki. Arā, ka riro mai koe tētahi, ka karo¤ mai tōna karu, ka maka¤ atu ki te moana, kāore e roa, kua hoki mai... kua tae mai tōna hoa ki uta. Kaua koe e tere te hoki mai ki te kāinga kotahi te pāra – me maka tōna karu ki te moana ana, me whanga¤ mō tōna hoa, aianō kua puta mai.

pānui tonu

Paraire Whaanga 16. Ngā Mahi i Konei

Te Reo Kanikani — Mon, 17 Apr 2006 12:49:49 -0600

Nō reira, ēnei tōpito kōrero i ōku wā e whakatipu ana i te wā kāinga nei, i Ō‑poutama, he nui rā ngā mahi - e kore rā te rā e kore e mahi.

Ahakoa he mahi porohīanga¤ he haere ki rō ngahere piki runga ngā hiwi nei i runga hōiho te haere ki te tiki kai. Ō mātou mahi i ērā wā, kāore ko te haere noa iho.

pānui tonu

Paraire Whaanga 13. Te Mahi Kai

Te Reo Kanikani — Mon, 17 Apr 2006 05:34:34 -0600

Nō reira te pai hoki o tēnei marae kei konei ngā rawa¤, ngā ahuwhenua¤. I ērā ngā wā o mua he nui ngā māra kai i konei. Whakatipu ai ngā koroua, ngā kuia. Tētahi koroua, ko Ruka Rarere, koia te tino koroua nei, i a ia ngā māra taro nei. (Māna tōu e tau) ka rongo koe i te reka, engari kāore e tino reka tērā kai ki ahau.

pānui tonu

Paraire Whaanga 02. Te Mahi Ahuwhenua

Te Reo Kanikani — Mon, 17 Apr 2006 04:58:20 -0600

Nō reira ka pakeke ahau i konei.

Ā, ka tae ōku tau ki te tekau mā rima ka tukua ahau ki tētahi kura teitei i Pū-tāruru e mahi ahuwhenua¤ ērā kura.

E rua aku tau ki reira – āna – ka wini ahau i tētahi karangatanga¤ teitei - ki ahau.

pānui tonu