Ka puta ai ngā kōrero mō te tīpuna, a Ruawharo ko ia te tino tohunga rongonui i runga i te waka o Tākitimu. Nāna nei i haria mai ngā mauri i Hawaiki i Rangiātea ki konei.

E kōrero mai ai rātou i ngā kōrero mōna i ngā wāhi i tanu¤ ai ngā mauri i haria mai ki konei.

Ka huri anō ki tērā o ō tātou marae, marae kāinga ko Ruawharo nā tērā tīpuna kuia a Te Rina Kuia Whaanga, nā rātou mā, e tīmata mai te whakaaro me whakatū he whare ki tērā tīpuna. Nā te mea i tērā wā i wera ai te whare o Ruawharo i Oraka. Ko te Wai Toa.

Tāku koroua - rātou mahi tohutohu i au nei i ngā tikanga me ngā kawa e pā ana ki a tātou katoa.
Ko ētahi o rātou ko Paihau – Paihau Wairau he koroua he tangata poropiti he matakite koirā¤ te āhuatanga o tērā koroua. Me te kuia hoki tēnei, ko te kuia tuatahi, tuarua ko tēnei.

Ko tētahi o ngā mate tino nui – arā ko taku whaea e kore rā e tino roa taku ngaronga¤, ā, ka tono mai ia kia hoki ki te kāinga. A ka hoki mai ka hoki anō ki te kimi mahi.

Ā, ka eke ōku tau ka eke ki te rua tekau-mā-tahi ōku tau, e ngaro rā i te nuku o te whenua arā i Te Awamutu. Ko tōku mahi i reira ko te ako hōiho. Kāore e roa i reira ka tae mai te kōrero ki ahau, kua mate rā tōku whaea. Ka mahue¤ ahau i tēnā mahi ka hoki mai ahau.

Nō reira ka pakeke ahau i konei.

Ā, ka tae ōku tau ki te tekau mā rima ka tukua ahau ki tētahi kura teitei i Pū-tāruru e mahi ahuwhenua¤ ērā kura.

E rua aku tau ki reira – āna – ka wini ahau i tētahi karangatanga¤ teitei - ki ahau.